عجبا ً لما حدث بالأمس باليرموك والشامية !!!!!!!!!!!!!!!!!!!!!
بنات بعمر الزهور يطلعون بملابس شبه عارية وبخنق والمسترجلات يلبسون دشاديش وغتر ويدخلون دواوين شباب
وبيوت ويقرقعون !!!!!!!!!
وبالشارع يرقصون !!!!!!!!!
إذا كانت أفعالنا الخطأ كلها تندرج تحت مسمى الديموقراطية ما ظل أحد متربي بالبلد ’’
يقولون < كول / وناسه / فصصلة !!!!
عمرها ماكانت الوناسه والشطانة بهالطريقة ، اللي صار وقاحة وإن دل !! دل على قلة تربيتهم وعدم إحترامهم
لنفسهم وذاتهم !!
( أرخص بنفسي علشان حلاو وكاكاو وشوية فلوس )
لهالدرجة صارت البنت تستخف بنفسها وترخص بروحها !!!
ولما اتصلوا ناس أمس بالمخفر رد عليهم أحد رجال الشرطة وقاللهم : هاذي عادات شعبية ومن حقهم يستانسون
ويعبرون بالطريقة اللي اهمه يبونها @@
بنت ترقص بالشارع وتراكض بالجمعية جنها مو صاحية تعبير فرح !!!
بنت تدش دوانية على شباب تسمونها طريقة تعبير أو قرقيعان !! ( وين صارت هاذي )
شلون فاهمين الدنيا >> هذيلة حماة الوطن ’’
وينكم يا أهل شرق والمرقاب وينكم يا أهل جبلة !!
اختك / بنت عمك / بنت جيرانكم / بنت ديرتك ( ماتغار ) والا لحم الخنازير بدى مفعوله !!!!!!
اللي قاعد يصير بمنتهى التفاهه وقلة الاحترام ، أفكار دخيلة على المجتمع ماندري من وين يايه واللي يشجع هالشي
ويقول بنات يهال ! وخل يستانسون بصراحه ماعليه شرهه ’’’
١٧ : ١٨ : ١٩ : ٢٠ سنه يهاااال !! قبل هاذي متزوجة وعندها ضنى ..
أمهاتنا قبل ماكانت تطلع منهم العيبة وولد الفريج يخاف عليها حالها حال اخته : ولا شاف عليها زلة
نشد عنها أهلها أو تصرف بنفسه ، كانوا عايشين بأمان وراحة بال ..
ما أنكر إنه كان في أخطاء بس لمن نقارنها بوضعنا الحالي ماكو أي وجه مقارنة ، محد معصوم من الخطأ بس الساكت عن
الحق شيطان أخرس !!
الزمن تغير والأفكار تغيرت وإذا كانت هاذي بنتج يا سيدة المجتمع المخملي ويا رجل الأعمال الناجح فعلى بناتنا والديرة
العوض !!!
( إذا كان ربُ البيتِ بالدُفِ ضاربٌ فشيمة ُ أهل البيتِ الرقصُ )
هذي تربية الخدم اللي جنيناها على عيالنا ’’
وين السنـــــــع وين البرستـــــــــيج وين الحيـــــــــــــــــــــــــــــــــــــــــــــــــــاء !!!!!!!
والا منظورنا وقياسنا على البشر صار بالأصل والفلوس وننسى المبادئ والتربية والأخلاق !! للأسف عقول ناقصة ’’
>> الله يهديهم ويردهم لصوابهم <<
(( اللهم لاتؤاخذنا بما فعل السفهاء منا ))
اختكم : مـــريم المــــلا ..
